Piffissami 2011-mit 2015-imut ilinniarnertuunngorniarfinni ilinniarnerit naammassineqartut katillugit 1.662-iusimapput, inuussutissarsiornermilu ilinniarfinni ilinniarnerit naammassineqartut 2.000-iusimallutik.
Tabel 1. Piffissami 2011-mit 2015-imut inuusuttunut ilinniarfinni ingerlatsinerit amerlassusaat, ingerlatanut agguaallugit
Nalunaarut: Naatsorsuutit tamarmik ”ukiup naanerani”-nngaanneerput. Malugiuk, inuk ataaseq eqimattani arlalinni ilaasinnaammat ukiumi ilinniakkamik aallartitsiffiusumi pineqartumi, assersuutigalugu aallartinneqartuni aammalu ingerlatsisuni. Taamatuttaaq inuk ataaseq aallartinneqartuni unitsinneqartunilu ilaasinnaavoq, pineqartoq ukiup ingerlanerani ilinniakkami ataatsimi arlalinniluunniit taama inissisimasutut allassimappat.
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDDISC11E, http://bank.stat.gl/UDDISC11F, http://bank.stat.gl/UDDISC11G aamma http://bank.stat.gl/UDDISC11GH).
Ilinniarnertuunngorniarfinni ingerlatsinerni tamani ajunngitsumik ineriartortoqarsimavoq. 2015-imili annikitsumik ikileriartoqarsimalluni, taakkunanngali amerlanerpaat ilinniarnerni naammassineqartuniillutik.
Ukiuni kingullerni inuussutissarsiornermi ilinniarfinni ilinniakkanik ingerlatsisut aammalu ilinniakkat unitsinneqartut ikileriarsimapput, ilinniakkalli aallartinneqartut aammalu naammassineqartut annikitsumik amerleriarsimapput.